LAOAG CITY – Nagtalinaed a zero firecracker-related incident iti ili ti Sarrat.
Daytoy ti inpakaammo ni P/Capt. Ashley Cacayorin, Hepe ti Sarrat Municipal Police Station.
Inbatadna a basar iti monitoring dagiti kapulisan ket awan dagiti agik-ikot ti iligal a paputok pakairamanan dagiti boga.
Mamati ni P/Capt. Cacayorin a resulta daytoy iti nagbalin nga information dissemination nga inaramid dagiti otoridad iti kallabes.
Kunana a no idasig iti kapada a panawen kadagiti naglabas a tawen ket addan dagiti nakumpiskar ngem ita ket awan pay.
Mangnamnama ti opisial nga agtalinaed daytoy a situasion agingga iti panangsarabo ti baro a tawen.
Kabayatanna, inpasingkedna a nakaalerto dagiti kapulisan a nakabantay tapno mapagtalinaed ti linak, urnos ken talna.
