LAOAG CITY – Tallo a manok ti nakumpiskar kabayatan ti illegal gambling operation dagiti otoridad kalpasan a nakalibas dagiti tattao a nangiyuswat ti panagtutupada iti Barangay Camanga iti ili ti Badoc.
Daytoy ti kinumpirmaran ni Police Major Joseph Tayaban, chief of police ti PNP-Badoc.
Segun kenni Tayaban, bayat ti panagturong dagiti otoridad iti lugar ket nangrugin a naglilibas dagiti indibidual rason a tallo a manok laengen ti nakumpiskar dagiti pulis.
Inlawlawag ni Tayaban nga uray awan ti natiliw da a tattao ket nadeterminar da no siasinno ti nagpatupada wenno ti organizer.
Nupay kasta, gapo ta awan iti mismo a lugar ti nasao nga indibidual ket nawarningan pay laeng daytoy ken no maulit daytoy ket matiliw ken posible a mapilaan ti kaso.
Kabayatanna, ad-adalen metten dagiti otoridad dagiti nakalap da nga impormasyon wenno lugar a pakaiyus-uswatan ti panagtutupada.
