LAOAG CITY – Ad-adu ti nagun-od a gold medals ti National Capital Region para iti Palarong Pambansa 2025 maidasig idi tawen 2024.
Daytoy ti naragsak nga inpakaammo ni Mr. Joel Torecampo, Executive Regional Director ti National Capital Region.
Segun kenkuana, basar iti kaudian a datos ket adda ti sumurok 140 a balitok a medalya ti nagun-odda ita a tawen 2025 a nangatngato no idasig iti 98 a balitok a medalya idi tawen 2024..
Inbatadna nga amin nga atleta a nakagun-od ti medalya ket adda ti manamnama a maipaay nga insentibo manipud kadagiti maseknanda a Local Government Unit.
Inlawlawagna a dagiti saan a nakagun-od ti medalya ket adda latta ti maipaay kadakuada a recognition kas pammigbig kadagiti amin a bannog ken sakripisio iti pannakisalipda kadagiti nagduduma a tay-ak ti ay-ayam.
Innayonna a daytoy ti manamnama a maika-18 a nagsasaruno a tawen a nagun-odda ti panagballigi iti Palarong Pambansa 2025.
