LAOAG CITY – Nairekord ti Ninoy Aquino International Airport (NAIA) ti kangatoan a bilang dagiti pasahero iti pakasaritaan kalpasan nga umabot iti 4.96 milyon a biyahero ti dimmalan iti erupuerto idi Enero 2026.
Naartapan daytoy ti dati a rekord a 4.86 milyon a pasahero idi Disyembre 2025.
Basar iti liderato ti erupuerto, resulta daytoy ti napigsa nga holiday travel season, no sadinno nga immabot iti 2.6 milyon a pasahero ti nagbiyahe manipod idi Disyembre 20, 2025 agingga iti Enero 4, 2026.
Ti Enero 4 ti nairekord nga aldaw a kangrunaan a panagbalin a busy iti erupuerto gapu ta naaddaan ti nasurok a 180,000 a pasahero.
Kabayatanna, umabot met iti 2.42 milyon nga international passengers ti nairekord idi Enero 2026, nangatngato ti 8.16% no ikumpara iti kapada a panawen iti napalabas a tawen.
