LAOAG CITY – Na-blacklist ti maysa a lalaki a pasahero a tumalaw koma nga agturong idiay Singapore kalpasan ti maipagarup a “bomb joke” daytoy iti Ninoy Aquino International Airport (NAIA) Terminal 3.
Rumrummuar nga inbatad ti suspek nga adda ti intugotna a granada kabayatan a maisaysayangkat ti security check.
Kuna ni Acting Police Aviation Security Group Director Brig. Gen. Dionisio Bartolome Jr., saan a nainkalintegan ti inaramid ti suspek gapu ta dakkel ti epektona daytoy kadagiti dadduma pay a pasahero.
Kabayatanna, insigida met a kinita dagiti otoridad ti bag ti suspek ken kalpasan a naduktalan nga awan ti bomba iti bagahena ket insigida isuna a na-blacklist iti nasao nga eropuerto.
