LAOAG CITY – Naidumduma a balay ti ipatpatakder ti maysa a mannalon iti West Bengal state, India a kas iti barko a RMS Titanic.
Sipud idi ubing, arapaapen ni Mintu Roy nga agnaed iti maysa a balay a ti sukog na ket kas iti Titanic ken nangrugi daytoy a kalikagom na bayat ti panagatendar na iti Durga Puja festival ken adda ti nangipatakder ti arig na Titanic a pandal.
Ti pandal ket maysa a temporary structure nga aramid ti kawayan ken tela ken maar-aramid daytoy no adda ti religious festival idiay India par aiti pannakaipatakder ti altar dagiti Hindu gods and goddesses.
Ita nga agtawenen ti 52 ni Roy, saan a napukaaw daytoy nga arapaap na ken nagtultuloy agingga a nangrugi ti panangipatakde na ti Titanic house na iti Darjeeling district a rinugyan na idi 2010.
Idi rinugyan ni Roy ti balay na, awan ti arkitekyo, inihinyero ken construction company a nangawat iti istilo na it kayat na a balay rason nga isuna lattan ti nangdisenyo ken nabgipatakder iti daytoy.
Kalpasan a nagadal iti masonry iti Nepal iti uneg ti tallo a tawen, rinugyan ni Roy ti naidumduma a 3-storey house idi 2010.
Uray immabot iti 13 a tawen ti panangipatakder na iti dream house na ken saan pay a nalpas ket nagbalinen a tourist destination iti Darjeeling district ken daydawen dagiti taga adayo a lugar.
