LAOAG CITY – Inrakurak ni Senate Majority Leader Francis ‘Tol’ Tolentino ti naig-iget a suportana iti domestic poultry industry iti baet ti agtultuloy a problema maipanggep iti smuggling wenno pangipuslit kadagiti imported a karne iti lokal a merkado.
Segun ken ni Gregorio San Diego, mangidadaulo ti United Broiler Raisers Association (UBRA), malaksid iti 480 a milyon a kilo ti frozen chicken a sumrek iti maysa a tawen ken 460 a milyon a kilo ita a tawen, agkidkiddaw dagiti lokal a prodyuser ti manok iti saan a malappedan nga smuggling kadagiti nasao a produkto.
Kas sungbat, inpasigurado ni Tolentino ken ni San Diego a mapagsasaritaan ti arungaingna iti industriada ken ni Sec. Francisco Laurel ti Department of Agriculture (DA).
