LAOAG CITY – Naiget a naballaagan dagiti amin a residente kadagiti coastal areas iti ili ti Currimao.
Daytoy ti inpasingked Mr. Renato Reynold Jr., Officer In Charge ti Municipal Disaster Risk Reduction and Management Office iti nasao nga ili.
Segun kenkuana, nakasaganada no bilang adda ti mapasamak nga storm surge wenno dakkel a dalluyong gubuay iti Bagyo Nika a mapaspasaran ditoy probinsia.
Inbatadna nga adda ti pakdaarda kadagiti maseknan a residente a no makita dagitoyen a napeggad ti situasion iti lugarda ket rumbeng dagitoyen nga agibakwit kadagiti evacuation center.
Inlawlawagna nga adda ti naiyuswat a panagtataripnongda kaduana dagiti uniformed personnel tapno mapakadaan dagiti posible a mapasamak nga itunda ti Bagyo Nika.
Kabayatanna, inpakaammo ni Mr. Marcell Tabije, mangidadaulo ti Provincial Disaster Risk Reduction and Management Office a naka-full alert-da iti iduduprak ti Bagyo Nika ditoy probinsia no sadinno a naka-standby dagiti rescue equipment.
