Naiget ti koordinasion dagiti amin nga ili ken Siudad ditoy probinsia iti Provincial Disaster Risk Reduction and Management Office iti panagsagsagana iti iduduprak ti Bagyo Rolly.
Segun ken ni Mr. Marcell Tabije, Local Disaster Risk Reduction and Management Officer IV ti Kapitolio Probinsial, naka-alerto ti opisinada no bilang adda dagiti maawatda a mapanda respondian gapu iti dakes a panawen.
Inbatadna nga adu ti pakakumikumanda iti agdama nangruna iti panagsagsagana ti epekto ti Bagyo Rolly ditoy Ilocos Norte no pay man saan a dumalan ti Bagyo ditoy probinsia ket adda latta dagiti mapaspasangasangan nga epekto ti Bagyo.
Inlawlawagna a nakasagana met latta dagiti ramit a kangrunaan a mausar para kadagiti maapektaran ti Bagyo.
Innayon ti Local Disaster Risk Reduction and Management Officer nga iti agdama ket awan met pay ti naawatda a reports manipod kadagiti nagduduma a Local Government Units a nakapasar ti landslide wenno flash floods gubuay ti Bagyo Rolly.
