LAOAG CITY – Naiget ti panangiyimplementar ti Philippine Drug Enforcement Agency wenno PDEA ditoy Ilocos Norte iti Drug Free Work Policy.
Segun ken ni Investigation Agent III Darnel Bacate ti PDEA-Ilocos Norte, daytoy ket tapno maideklara a Drug Free dagiti pagubraan iti pribado ken pampubliko a lugar.
No pay kasta, saannan nga inrakurak pay no ania ti pakabigbigan dagiti kompania wenno pagtrabahoan tapno saan a maapektaran ti panangiyuswatda ti drug testing kadagiti empleado.
Inbatadna a babaen iti daytoy ket makitada nga awan ti siasinoman nga empleado pakairamanan dagiti employer ti maysa a pasdek negosio ti agus-usar ti iligal a droga a makaperdi ti salun-at ken makaapektar iti panagtrabaho.
Nagkedked metten a nangipakaammo ni Bacate nu mano ti bilang dagiti agtrabtrabaho a dimmalanen ti drug test.
