LAOAG CITY – Patien ni Mr. Rodrigo Agustin Jr., ti Chief Tanod iti Barangay Cataban ditoy ciudad ti Laoag nga adda ti maris pulitika na ti pannakaikkat na.
Segun kenni Agustin, daytoy ti dumandanon kenkuana nga impormasyon gapo ta saan na a suruten ti kalikagom ni Barangay Chairman Larry Alejandro a suportaran a kandidato iti kina-mayor ditoy ciudad.
Inpetteng ni Agustin nga awan ti pormal a saritaan da seknan iti pannaka-ikkat da no diket naidanon laengen kenkuana a maikkat kas chief tanod gapo ta saan na a suruten ti kalikagom ti kapitan.
Mainaig iti daytoy, awan ti ammo ni Agustin a sabali a rason no apay a naikkat gapo ta patien na nga an-annungen na met ti trabaho na malaksid laeng iti panaglangan na kadagiti sesyon.
Naamoan a malaksid kenkuana ket naikkat pay ti dua a tanod iti barangay.
