LAOAG CITY – Inpakammo ni Barangay Kagawad Janice Caliboso iti Barangay San Agustin iti ili ti Paoay a makadalyasaten dagiti tattao iti boundary da iti Barangay Quiling Sur iti ciudad ti Batac kalpasan a naikkan ti barikada.
Kageddan iti daytoy ket nagpadespensar ni Caliboso kadagiti maseknan ken dagiti opisyales iti Barangay Quiling Sur no naipost iti social media gapo ta isu ti ammo na a kaalistoan a wagas tapno maipadanon kadagiti maseknan a personalidad a mabalin a makatratar iti daytoy.
Segun kenni Caliboso, maawatan na ti gagem ti Barangay Quiling Sur a mangaramid ti wagas tapno maprebentaran ti panagwaras ti ASF ngem maawatan kuma met dagiti maseknan nga ado dagiti maapektaran no naan-anay a marikepan daytoy.
Ummuna iti daytoy, kunana nga ado dagiti nangipadanon kenkuana a saan da a makadalyasat iti nasao a lugar gapo ta naikkan ti barikada wenno adda ti ASF checkpoint.
Inlawlawag na nga idi napan na kinita ti lugar ket naduktalan na nga awan met ti agbanbantay iti ASF chenkpoint.
Gapo iti daytoy ta ado dagiti maapektaran, inpadanon na iti ABC ken ti kapitan da ngem manarimaan ti sesyon isut gapo na nga inpost na iti social media agingga a nagwaras ken naidanon iti konsehal ti ciudad ti Batac.
Naamoan nga inpasigurado met ti konsehal ti Batac City a trataren da ti nasao a banag.
