LAOAG CITY – Inaprubaranen ti kamara de representantes iti 3rd ken final reading ti House Bill No. 8418, a mangipaay ti bileg ken ni Presidente Ferdinand “Bongbong” Marcos Jr. a a temporary a kissayan wenno masuspenso ti excise tax kadagiti produkto a petrolyo tapno masolbar ti panagngato ti presyo ti langis.
Adda ti 247 nga agpanpanday linteg a nangpabor iti gakat idinto a tallo ti nangkontra ken awan ti abstention.
Segun ken ni House Majority Leader Ferdinand Alexander “Sandro” Marcos, gagem ti gakat a dagus a maipaay ti pakalag-anan ti publiko sakbay a ngumato ti plete, presyo ti makan ken dadduma pay a paggastusan.
Iti babaen ti gakat, mabalin nga ikkaten ni Presidente Marcos ti agingga iti P10 iti kada litro nga excise tax iti gasoline ken P6 iti diesel no ti presyo ti krudo no umabot wenno aglabes iti $80 ti kada bariles iti uneg ti maysa a bolan, wenno adda ti naideklarar a national emergency.
Nailawlawag iti gakat a ti pannakasuspenso wenno panagkissay ti buwis ket agingga iti innem a bolan laeng, ken saan a lumabes iti pakabuklan a maysa a tawen,ken mabalin nga usaren ti president ti bilegna agingga iti Disyembre 31, 2028.
Karaman kadagiti nagbotos kontra iti nasao a gakat ket isuda Kabataan PL Rep. Renee Co, Gabriela PL Rep. Sara Elago, ken ACT Teachers PL Antonio Tinio.
