LAOAG CITY – Inaprubaranen ti House Ways and Means Committee ti nailungalong a gakat a gagem na a palawaen ti Pantawid Pamilyang Pilipino Program (4Ps) tapno magutigot dagiti benepisyaryo nga itultuloy da ti panagadal da iti kolehiyo wenno mangala ti technical-vocational courses, karaman kadagiti pribado a pagadalan.
Segun ken ni Committee Chairman ken Marikina 2nd District Representative Miro Quimbo, paset daytoy ti nalawlawa nga adding ti gobierno tapno papigsaen ti social protection ken mapadur-as ti kabaelan dagiti Pilipino iti babaen ti edukasyon.
Iti babaen ti gakat, mabuwangay ti 4Ps Support to Tertiary Education and Employment Program a mangipaay ti oportunidad kadagiti annak dagiti benepisyaryo ti ti Pantawid Pamilyang Pilipino Program a makaadal iti kolehiyo wenno technical-vocational institutions.
Inbatad met ni House Majority Leader Ferdinand Alexander “Sandro” Marcos a gagem ti nailungalong a gakat nga ad-adda a mapapigsa ti suporta kadagiti marigrigat a pamilya, karaman ti panangtulong iti matrikula, bayadan iti pagadalan ken dadduma pay a paggastusan iti edukasyon.
