LAOAG CITY – Inrakurak ti sumagmamano nga agpanpanday linteg nga agdudua wa no makatulong ti inlungalong ti Department of Education (DepEd) nga ag-shift iti three-term school year tapno masolusyonan ti learning loss, masansan a class suspensions, ken teacher workload.
Segun iti Department of Education, umabot iti 53 nga school days ti nasayang iti School Year 2023–2024, no sadinno a 32 ditoy ket gapu iti extreme weather ken klima.
Inbatad ni Assistant Secretary Jerome Buenviaje a no naitantan ti klase ngem nagtalinaed ti kapada a curriculum targets, maip-ipit ti oras para iti panagisuro ken remediation.
Inlawlawag ti Department of Education a saan a makissayan ti baro a calendar ti pakabuklan a bilang ti school days a 201, no di ket balbaliw a maorganisar laeng iti tallo nga instructional terms.
Gagem daytoy nga adding a maipaayan dagiti mangisursuro ken agad-adal ti at-atiddog nga uninterrupted blocks para iti panagisuro, assessments, ken professional development.
Nupay kasta, inpetteng ni Senador Bam Aquino a kasapulan ti ad-adda a konkreto nga adding tapno masigurado ti 180 nga aldaw a panagisuro a nailanad iti linteg.
Inpalagip met ti teachers’ groups a napateg ti full school days ngem saan a makaumanay ti calendar restructuring no saan a masolusyon ti nababa a sweldo, panagkurkurang ti non-teaching personnel, ken saan a patas a distribution ti pasilidad iti pagadalan.
Insungbat met ti DepEd nga agtultuloy ti regional consultations ken national survey sakbay a mangiyetnag da ti pinal a desisyon iti implementasyon ti baro a calendar para iti School Year 2026–2027.
