LAOAG CITY – Nagyaman ni Delia Jesusa Guirano, ti coordinator iti Persons With Disability Affairs Office ditoy ciudad ti Laoag iti Sang. Panlungsod ditoy ciudad.
Daytoy ket kalpasan ti pannakaipasa ti priority lane para kadagiti PWDs, masikog ken senior citizens kadagiti nagduduma a pasdek.
Segun kenni Guirano, babaen iti daytoy ket naited wenno naipangpangruna ti kasapulan da nga indibidwal.
Inbatad na pay a sakbay a naipasa daytoy ket adda dagiti kapadasan da iti uneg ti Mall wenno nagduduma nga establishimento a no sumrek da ket makipila da iti regular lane nangruna ita a panawen ti covid-19 pandemic.
Kunana pay a maikonsiderar kuma met a magna iti priority lane dagiti mangkuykuyog kadagiti PWDs ken senior citizens.
Nupay kasta, mangnamnam nga in-inot a maitratar wenno masolusyunan daytoy a banag wenno ti panangikonsiderar kadagiti mangkuyog kadagiti maseknan nga indbidwal.
