LAOAG CITY – Manamnama a maikkat ti lockdown iti maysa a purok iti Brgy. Baay iti siudad ti Batac intuno Oktubre 7.
Daytoy ti kinumpirmana ni Brgy. Chairman Romeo Bagaiosan iti nasao a barangay.
Kuna na a kalpasan a nagnegatibo ti innem a primary contact ni IN-C110, ket mapalubusanen a maikkat ti lockdown ken makaruar dagiti residente iti nasao a purok.
Innayun na a babaen ti pannakaikkat ti lockdown ket manamnama nga agsublin ti dati a sitawsyon iti barangay partikular iti nasao a purok.
Maipalagip a naipan iti lockdown ti maysa a purok kalpasan a nagpositibo iti covid-19 ti residente a ni IN-C110, agtawen ti 32 a lalaki ken agpapaay iti maysa nga ospital ditoy probinsya.
