LAOAG CITY – Naipilan ti kaso a panaglabsing iti RA 9165 kontra kenni Jun-Jun Zuniga kalpasan ti pannakatiliw na iti naiyuswat a drug buy bust operation idiay Barangay 29, Pasngal iti nasao nga ili.
Daytoy ti inbatad ni Police Chief Inspector Allan Emmerson Daoz, chief of police ti PNP-Bacarra.
Segun kenni Daoz, ti panaglako ni Zuniga ti droga ket awanan ti mairekomendar a pyansa idinto ti panagikot na ket agbalor ti 200 a ribo a pisos a pyansa.
Maipalagip nga adda ti 3 a sachet a naglaon ti maipagarop a shabu manipud iti ikot ti suspek ken maysa a sachet nga ilako na kuma.
Naamoan a ni Zuniga ket taga Bangui ken adda laeng ti bisbisitaen na nga auntie na iti Brgy. Bani iti ili ti Bacarra.
Inbatad na a simmuko ni Zuniga idi July 15, 2016 ken daytoy ti maikalima a drug personality a natiliw iti nasao nga ili a saan nga agnanaed iti lugar.
