LAOAG CITY – Inbatad ni Doctor Joseph Adaya iti City Health Office ditoy ciudad ti Laoag a dagiti punerarya ti pagdamagan no nakaitaneman dagiti pimmusay a nagpositibo ti covid-19 ditoy ciudad.
Daytoy ket kalpasan nga adda ti maysa a saanen a nagpabigbig nga indibidual ditoy Bombo Radyo Laoag a nangidanun ti pannakaupay na kalpasan a saanda a mabirukan ti nakaitaneman ti ina na a pimmusay a nagpositibo ti covd-19.
Naamoan nga awan ti nakaikabil a lapida a pakaikabilan koma ti nagan dagiti 25 a naitanem iti covid-19 cemetery ditoy ciudad.
Mainaig iti daytoy, inbatad ni Engr. Manuel Aurelio, Assistant City Engineer ditoy ciudad nga awan ti naited kadakuada a nagan dagiti naitanem iti covid-cemetery.
Kuna na a ti laeng naikabil a krus ti pagilasinan nga adda ti naikali iti lugar.
Nupay kasta, inpakaammo na nga adda ti listaan ti nagan dagiti nagsasaruno a naipunpon iti lugar ken kabisado daytoy dagiti tao na.
