LAOAG CITY – Inbatad ni Brgy. Larry Alejandro iti Brgy. Cataban ditoy siudad ti Laoag nga adda ti 18 a karton ti ayuda ti naited iti barangay da.
Nu pay kasta, inlawlawagna a naitantan a naibunong agsipod ta awan ti listaan wenno saan a naipakaammo ti pakaitedan dagitoy.
Kabayatanna, kuna na nga apaman a naamoan a maited kadagiti 17 a pamilya nga adda iti lockdown ket insegida a naited daytoy kadakuada.
Innayun na a ti sobra a maysa a karton ti ayuda ket inted na met iti naka-isolate a nagpositibo iti covid-19.
Immunan a nagpadespensar ti kapitan iti naladaw a pannakaited ti ayuda kadagiti kabarangayanna.
Nagkiddaw daytoy ti pannakaawat gapu iti ado met a kumikom dagiti opisyal ti barangay kabayatan ti pannakaipatungpal ti enhanced community quarantine.
