LAOAG CITY – Balligi a naiwayat ti 77th Worldwide Blood Drive Donation nga inorganisar ti We Love U Foundation nga idadaulwan ni Chairwoman Zahng Gil-Jah ditoy ciudad ti Laoag.
Daytoy ti inpakaammo ti presiding officer ti Sang Panlungsod ditoy ciudad.
Kunana a naragsak ti rikna na gapo ta ti indonar na a dara babaen iti panakipartisiparna iti nasao nga aktibidad ket makatulong iti kaadoan partikular kadagiti agkasapulan.
Mainaig iti daytoy, binalakadan ti presiding officer dagiti konsehal a saanda nga agbutbuteng nga agidonar iti dara gapu ta dakkel a tulong ti maukkon para kadagiti umili nga agkasapulan.
Kabayatanna, ti nasao a bloodletting activity ket nakikammayetan pay ti Philippine Red Cross – Ilocos Norte Chapter.
Mainaig iti daytoy, inbatad ti opisyal nga idi tawen 2012 ket ditoy a napadasan na iti nagkasapolan iti dara gapu ta nakaptan ti sakit a dengue ken dakkel a nakatulong dagiti nagdonar ti dara kenkuana.
