LAOAG CITY – Inbatad ni Miss Ma. Cristina Garcia, ti mangidadaulo iti Philippine Crop Insurance Corporation (PCIC) ditoy probinsya a dagiti laeng naka-insured a baboy nga addan ti 45 nga aldaw nga apektado ti African Swine Fever (ASF) virus ti mabalin a maipaayan ti insurance.
Inlawlawag na a no fattiner ket mabalin a makaawat agingga iti 10 ribo a pisos idinto a no breeder ket 14,500 a pisos ngem daytoy ket less 10%.
Inpakaammo ni Garcia a mabalin a maited ti insurance dagiti immuna a nagpa-insured ti taraken na a baboy intono oktubre ita a tawen.
Innayon na nga ar-aramiden da amin a kabaelan da tapno maiyalisto ti pannakaited ti insurance dagiti apektado ti ASF virus.
Nupay kasta, gapu iti kaadda dagiti empleado ti PCIC iti region a maap-apektaran ti covid-19 virus ket saan a maliklikan a temporaryo a maisardeng ti operasyon da.
