LAOAG CITY – Inadmitir ni Barangay Chairman Samuel Ramirez iti Barangay Valdez iti ili ti Banna nga adda ti madi nga angot ti nagikalyan da ti 442 a baboy nga adda iti uneg ti 500 meter radius manipud iti pannakaapektar ti ASF.
Segun kenni Ramirez, no adda ti madi nga angot ket dagus da met a gaburan daytoy.
Inlawlawag ni Ramirez a ti nakaikalyan dagiti baboy ket 10 a metro ti kaadayo na iti kalsada ken adayo kadagiti balbalay.
Inbatad na a ti nasao a daga ket isu laeng ti nakita da a pakaikalyan dagiti baboy gapo ta ti ummuna a nakita da a lote ket agubbog no kalyen da.
Ummuna iti daytoy, adda ti dimmanon nga impromasyon ditoy Bombo Radyo a ti nakaikalyan dagiti baboy ket asideg iti kalsada ket adda ti madi nga angot na.
