LAOAG CITY – Natiliwen ti nakalibas a balod iti Ilocos Norte Provincial Jail (INPJ) babaen ti nagtipon a pwersa ti Infanta PNP, Alaminos Municipal Police Station, Provincial Mobile Force Company, Mabini Police Station, prison guard ti INPJ ken Ilocos Norte CIDG.
Nabigbig ti nakalibas a balud a ni Medy Laudencia y Costales, agtawen ti 39 ken residente iti Barangay Suyo iti ili ti Dingras ken addaan ti kaso a panagrames.
Ni Laudencio ket natiliw idiay Sitio Tubeg, Pita, Infanta iti probinsya ti Pangasinan.
Agpapan maisursurat ti damag ket maibibyahen nga agsubli ditoy probinsya ni Laudencia partikular iti INPJ.
Maipalagip a ni Laudencia ket naglibas iti pagbalodan idi Sabado babaen ti panangtubtub na iti alad ti nasao a pagbalodan.
