LAOAG CITY – Natay ti nakalubbon ti motorsiklo kalpasan a naaksidente iti national highway iti siudad ti Batac.
Basar iti inisyal nga impormasyon a nakalap ti Bombo Radyo Laoag, naitaray met iti ospital ti driver ti motorsiklo.
Maipagarup nga adda ti nakadinnungpar da a jeep, basar pay laeng iti impormasyon manipud kadagiti adda iti nasao a lugar.
Naamuan ti Bombo Radyo Laoag a nakarehistro ti nadesgrasya a motorsiklo iti agnagan ti Henry Agpaoa Macalutas a residente iti Brgy. 7 San Manuel iti ili ti Sarrat.
Agtultuloy pay laeng ti imbestigasyon dagiti kameng ti PNP Batac.
