Laoag City – Dead on arrival iti ospital ti maysa a lalaki idinto dua ti nasugatan iti napasamak a karambola ti truck, traysikel ken motorsiklo idiay Brgy. Buncag iti ili ti Dingras.
Nabigbig ti natay a ni Ronald Ramos, 43, nangiturong ti motorsiklo; idinto a dagiti nasugatan ket da Prince Edmar Pascua, 5 ken ni Zenaida Laborte, 49,nakalugan ti tricycle nga inturong ni Jojo Acidao, 42.
Nabigbig met ti driver ti truck a ni Jonald Medina ken dagiti pahinante a da Virgilio Ricaido, 31, Dennis Barroga, 38 ken Darwin Andres, 32.
Naamoan nga agturong koma ditoy ciudad ti truck idi napasamak ti insidente.
Naglibas a dagus ti driver ti truck a ni Medina kalpasan ti insidente.
Nagsagaba ti nakana a sugat iti nagduduma a paset dagiti naglugan ti traysikel.
Iti agdama, agtultuloy ti imbestigasyon dagiti otoridad kabayatan ti panangbirok da ti nakalibas a driver ti truck.
