LAOAG CITY – Natay ti maysa a lalaki kalpasan a naidungpar ti motorsiklo na iti alad iti Brgy. Billoca iti ciudad ti Batac.
Nabigbig ti biktima a ni Argel Gabay, 23, awanan asawan, lending collector ken residente iti Camguidan iti nasao a ciudad.
Basar iti imbestigasyon, bayat nga agpapaabagatan a direksyon iti Manila North Road partikular iti Rana-Ann Gasoline Station ni Gabay ket dita a naawanan ti kontrol rason a naidungpar daytoy iti alad.
Gapu iti dayta, nagsagaba iti nakana a sugat ti biktima kangrunaan iti ulo na nga isu iti nakatayan na.
Rumrumuar a napataray iti panangiturong ni Gabay ti motorsiklo na ken adda iti impluwensya ti nasanger.
