LAOAG CITY – Natay ti maysa a menor de edad kalpasan a nadungpar ti motorsiklo iti Sitio 4 Brgy. 44 Zamboanga ditoy ciudad ti Laoag.
Nabigbig ti menor de edad a ni Arvie Domingo, 15, ken ti lubbon na a ni John David Guarino y Bermajo, 15, agpada a grade 9 student ken agpada a residente iti Brgy. 34B Gabu ditoy ciudad idinto a ti kinadinnungpar na ket ni Julius Carlos y Salvador, 40, addaan ti live in partner, ken residente iti Brgy. 15 iti ili a San Nicolas.
Basar iti imbestigasyon, agpadpadaya a direksyon ni Domingo idinto nga agpapalaud a direksyon ni Salvador ket dita a kellaat a nagdinnungpar dagiti dua a lugan.
Gapu iti dayta, dead on arrival ni Domingo gapu iti sinagaba na a nakana a sugat iti ulo idinto a nagsagaba iti gasgas ti lubbon na a ni Guarino ken nagsagaba met iti nakana a sugat ni Carlos.
