LAOAG CITY – Dandani a nagbaliktad ti nakamotorsiklo gapu iti linas a naisiglot iti daya a paset ti hotel iti Brgy. 44, Zamboanga ditoy siudad ti Laoag.
Basar kadagiti opisial ti nasao a barangay, sakbay ti napasamak nga insidente ket nangiwayatda pay laeng ti panagronda ngem awan met ti nakitada nga aniaman a makalapped iti panagdalyasat dagiti motorista.
Rumrummuar a posible a dagiti ubbing ti akin-aramid iti maipagarup a pannakaikabil ti linas iti tengnga ti kalsada.
Immuna iti daytoy, adda ti maysa nga indibidual ti nag-post iti online kalpasan a dandani a nagbaliktad kabayatan ti panangiturongna iti motorsiklona.
