LAOAG CITY – Natay ti nakamotorsiklo kalpasan a nagsarili iti Brgy. Cali iti ili ti Dingras.
Ti biktima a nangiturong ti Yamaha NMAX 155 nga agmaris ti nangisit ket agtawen ti 20, addaan ti live-in partner, self- employed ken ti kinalubbonna ket agtawen ti 18, Grade 12 student ken agpada a residente ti Brgy. Madamba iti ili ti Dingras.
Basar iti Dingras Municipal Police Station, kabayatan a dumaldalyasat ti nakamotorsiklo nga agpa-abagatan ket nagdarusdos apaman a nakadanonda iti kurbaan a paset ti kalsada a nangitunda ti pannakaidungparda iti puon ti marunggay.
Gapu iti daytoy, naitaray ti biktima ken ti kinalubbonna iti Dingras District Hospital para iti naan-anay a pannakatamingna ngem naideklara a dead on arrival ti driver ti motorsiklo babaen ken ni Dr. Catherine Damaso, ti attending Physocian.
Kabyatanna, naammoan a nagsagaba ti sugat iti bibig ken rupa ti kadua ti driver ken naiyakar iti Mariano Marcos Memorial Hospital and Medical Center iti siudad ti Batac.
