LAOAG CITY – Nagtalinaed iti ospital ti nangiturong ti motorsiklo kalpasan ti panagdinnungparda iti maysa a kotse iti paset ti bypass road ditoy siudad ti Laoag.
Basar iti Laoag City Police Station – Traffic Division, agpapan iti daytoy a gundaway ket manarimaan pay laeng nga agpapaimbag iti ospital ti biktima gapu ta natukkol ti sakana.
Iti imbestigasion dagiti otoridad, kabayatan a dumaldalyasat ti nakamotorsiklo nga agpa-amianan ket kellaat a nag-U turn ti nangiturong ti kotse a nangitunda ti panagdinnungparda.
Kabayatanna, naammoan a saan pay a nagsarita ti agsumbangir a partido seknan iti napasamak a desgrasia.
