LAOAG CITY – Nadungpar ti Toyota avanza ti maysa a TMX125 a nakaparking iti igid ti kalsada iti national highway iti paset ti Barangay Baruyen iti ili ti Bangui.
Daytoy ti inpakaammo ni Pol. Major Julius Basalio, ti chief of police iti nasao nga ili.
Inbaga ni Basalio a basar iti imbestigasyon da, agawid iti ili ti Pagudpud ti driver ti SUV idi napukawan ti kontrol iti agpababa a paset ti kalsada.
Gapu iti daytoy, nagderderetso ti nasao nga SUV iti bangir a linya a nakadungparan na ti nakaparking a motorsiklo.
Awan met dagiti nasugatan iti napasamak nga insidente.
