LAOAG CITY – Nakasagana nga agsungbat ti Provincial Drug Enforment Unit kadagiti alegasyon da Justine Mandac ken ti asawa na a ni Diane Mandac kalpasan ti naiwayat a search operation iti pagtaengan da ditoy Brgy. 48-A Cabungaan ditoy siudad ti Laoag.
Segun kenni Police Chief Master Sergeant Harold Nicolas, mangidadaulo iti Provincial Drug Enforement Unit, karbengan ti pamilya a mangibaga dagiti alegasyon kontra iti PNP.
Kuna na a masansan nga isu ti sarita dagiti maseknan nangruna iti miembro ti pamilya dagiti matiltiliw.
Inbatad ni Nicolas a mabalin nga idasar da amin dagiti alegasyon ken ebidensya da iti korte.
Inlawlawag ni Nicolas a saan da kayat nga ipalubos nga adda ti madangran iti biang ti operatiba rason a gagangay a sumrek da para iti pannakaipaay ti seguridad.
Inpetteng na a paset ti prosesso ti panagiwayat ti operasyon iti panagserrek dagiti otoridad.
Kabayatanna, kinumpirmaran ni Nicolas nga adda iti wacthlist iti provincial level kasta met iti Laoag City Police Station ti subject ti operasyon.
Kuna na nga intuloy da ti nagvalidate kalpasan ti panagngudo ti Enhanced Community Quarantine ken nagaplikar da tui search operation kalpasan kadagiti inyuswat da a validation.
Innayon ni Nicolas a saan a drug surenderer ni Mandac.
