LAOAG CITY – Iturnover intono bigat ti Philippine National Police (PNP) ditoy ciudad ti Laoag iti Philippine Drug Enforcement Agency (PDEA) dagiti nakumpiskar da nga illegal a droga manipud iti 19 nga illegal drug operations.
Daytoy ti inbatad ni Police Lt. Col. Jomar Labiano, ti chief of police ditoy ciudad ti Laoag.
Inlawlawag ni Labiano a nagapalikar da iti RTC Branch 14 ditoy ciudad ti Laoag ti motion for destruction para iti pannakadadael dagiti nakumpiskar da nga illegal a droga.
Pinatgan daytoy ti korte ken intono bigat ket iturnover da iti PDEA no sadinno nga iti uneg ti 24 nga oras ket masapol a madadaelen dagiti ebidensya idiay La Union.
Kabayatanna, inpakaammo ni Labiano a possible a kadagiti sumarsaruno nga aldaw ket kada lawas ton nga agiturnover da kadagiti makumpiskar da nga ebidensya manipud kadagiti iyus-uswat da nga operasyon agdepende iti mandar ti korte.
