LAOAG CITY – Saan nga ipalubos a makarikna ti nalabes a kinaliday gapu ta posible a makaitunda ti pannakaatake.
Basar iti panagadal ti Harvard University researchers, ti chronic loneliness ket addaan ti dakkel a tsansa ti stroke nangruna kadagiti natataengan.
Sumagmamano kadagiti natataengan idiay Amerika ti makapaspasar ti nalabes a kinaliday iti sumurok uppat a tawen wenno 56% a mabalin a ma-stroke iti sumaruno a 10 agingga 12 a tawen.
Idi 2023, nagballaag ti U.S. Surgeon General Dr. Vivek Murthy maipanggep iti epidemia ti kinaliday.
Naammoan nga adda ti tallo kadagupan iti 10 a natataengan ti makapaspasar ti nakaro a kinaliday idinto a maysa kadagupan iti 20 nga indibidual met ti saan unay a naliday maibasar iti National Poll on Healthy Aging.
