LAOAG CITY – Napateg ti ipapauneg ti tao tapno mapagtalinaed ti good memory ken cognition.
Basar kadagiti eksperto, tapno ma-improve pay ti memorya ket nasken a limitaran ti panaginom ti arak.
Segun iti Centers for Disease Control and Prevention, maibilang a moderate drinking ti dua wenno nababbaba ti panaginom ti arak iti maysa nga aldaw.
Heavy drinking met no dumanon iti 15 wenno nasursurok pay iti kada lawas para kadagiti lallaki ken walo a mainom met iti kada lawas para kadagiti babbai.
Maibasar iti Frontiers in Neuroscience, ti alcohol ket dumaldalan iti blood-brain barrier no sadinno a naapektaran dagiti sumagmamano a paset ti utek kas ti prefrontal cortex a responsable iti decision-making, corpus callosum ken ti hippocampus no sadinno a responsable met iti memorya.
