LAOAG CITY – Inpakaammo ni Mr. Julius Alvien Cabral, ti nutritionist dietician II iti Mariano Marcos Memorial Hospital and Medical Center dagiti mabalin nga epekto iti bagi ti pannangan ti street foods.
Segun ken ni Cabral, ti nalabes a pannangan ti street food ket mangitunda ti nagduduma a sakit.
Inbatad na a maysa ditoy ti nangato a calorie count a rason ti obesity, maikadua ti panagngato ti altapresyon gubuay ti sodium content ken cholesterol nga adda kadagiti street foods.
Mainaig iti daytoy, kuna ni Cabral mabalin pay a ngumato ti blood sugar ken makapasar ti food poisoning gapu iti contaminated street foods maipauneg.
Kabayatanna, inpetteng ni Cabral nga iti laksid a naimas, nalaka, pamedped iti bisin, makaikkat ti cravings ken makanayun iti appetite ti street foods ket masapol a limitaran ti kanen tapno saan a maipan iti risgo ti salun-at.
Innayun na a saan a dakes ti mangan ti street foods ngem ad-adda a makatulong iti bagi dagiti “lutong bahay.”
