LAOAG CITY – Kinondenar ni Batac City Vice Mayor Windell Chua ti Land Transportation Office (LTO) iti naladaw a pannakaipakaamo kadagiti agiturturong ti motorsiklo a maymaysan ti emission testing center ken private inspection center.
Segun ken ni Chua, tallo agingga innem a bolan sakbay a naiyimplimentar ti ordinansa ket naipakammo kuma daytoy tapno masagaanaan.
Inbatad na nga ado dagiti agsidda-aw ken makumikom agsipod ta ditoy laeng siudad ti Laoag ti accredited nga emission ken inspection center para kadagiti lugan.
Kuna ni Chua a kangrunaan nga arungaing dagiti drivers ket ti panagbalbaliw ti proseso ken ti magasto a 1,500.
Innayun na nga ado pay dagiti marigatan parikular dagit taga siudad ti Batac gapu ta kasapulanda paylaeng ti agbiyahe ti adayo para iti emission testing.
Kabayatanna, inbatad ni Mrs. Susan Gagarin, ti mangidadaulo ti LTO iti siudad ti Batac nga idi laeng maudi a lawas ti Disyembre a naipatulod kadakuada ti ordinansa ken dita metten a nangrugi ti implementasyon daytoy.
