LAOAG CITY – Nangitunda ti nalawa a ‘Blackout’ iti New Zealand ti idadalapos ti napigsa nga angin.
Umabot iti nasurok a 90,000 a balay ti naapektaran ken adda met ti 100 flights ti nakanselar.
Malaksid kadagitoy ket naruay pay dagiti naitayab ti galba na a pagtaengan ken ado dagiti nabuwal a poon ti kayo ken poste ti kuryente gapu iti kinapigsa ti angin iti dadduma pay a lugar.
Ti angin ket addaan ti kapigsa a 155 kilometer ti kada oras ken nakaapektar iti intero a South Island ken southern part ti North Island.
Naipangato met ti red wind warnings iti central regions karaman ti Canerbury ken Wellingtom, ngem naikkat met laeng kalpasan ti sumagmamano nga oras.
Binalakadan met dagiti otoridad dagiti residente nga agtalinaed da paylaeng iti uneg ti pagtaengan da.
Nagdeklarar metten tistate of emergency ti Canterbury kas suporta iti disaster response da.
