(UPDATE) LAOAG CITY – Nabirukanen ti nalmes a baro a ni Kohn Harvee Manglanlan, agtawen ti 18, baro, Grade 12 ti San Nicolas National High Scholl main campus ken residente ti Bgy. Catuguing ti nasao nga ili.
Segun ken ni Bgy. Chairman Dinisio Barayuga ti Bgy. Catuguing, iti mismo a nag-divan ni Manglanlan iti nakabirukan dagiti Coast Guard manipud La Union ti nakakitaan da iti biktima.
Segun ken ni Barayuga, nauneg, napitak ken nalibeg ti dam isu a narigatan dagiti Search and Rescue team a nangbirok iti daytoy.
Kuna na a nakakokot ti biktima ken awan bado na no di ket nakashort laeng idi itaod da daytoy.
Insigida met nga intunda ti bangkay ti biktima iti punerarya tapno maisagana para iti pannakaimansayag na.
Kuna ni Barayuga a naamwan na a naggiinuman da Manglanlan ken dagiti siyam a kakadwa na kasanguanan a nagdive.
Naamuan pay ti kapitan a maipagarup nga adda ti saan a panagkinnaawatan ti biktima ken ti gilfriend na.
Maipalagip nga idi aldaw pay a analmes ti biktima ket itay laeng bigat a nakita daytoy.
Kinasapulan met ti pannulong ti coast guard idiay La Union gapu ta kumpleto ti gamit dagitoy.
Kabayatan na, pinasingkedan dagiti mangisursuro ti San Nicolas National High School main campus nga awan ti “shooting” nga imbagbaga da nga aramiden dagiti estudyante ti Grade 12 kas paset ti klase da.
Segun ken ni Mrs. Viviana Coloma, Principal ti nasao a pagadalan, bayat ti panagsalsalodsod na kadagiti mangisursuro ken uray ti class adviser ti pimmusay a ni John Harvee Manglanlan ket awan ti pinaaramid na nga aktibidad a kas iti impakada ti biktima kadagiti naganaak na.
Kuna na nga agpayso nga imbaga ti teacher da a mangaramid da ti acitivity ngem saan nga iti ruar ti eskuwelaan ngem ketdi iti uneg ti campus.
Naamwan pay ni Coloma nga absent ti biktima ken dagiti siyam a kakadawa na maibasar ti listaan dagiti simrek iti eskuwelaan idi kalman.
Mainaig iti daytoy, dinawat ti pannulong ni Coloma dagiti nagannak a makikoordinar da kadi iti eskuwela no agpakpakada dagiti anak da ket ti pagpambar da ket ti eskuwela tapno saan a masunutan ti nasao a pasamak.
Maipalagip a ti impakada ti biktima iti ama na ket adda shooting da iti dam gapu ta masapul da iti eskuwela banag a pinalubos met ti ama na.
