(Update) LAOAG CITY – Impanamnama ni P/C/Insp. Marlon Padamada, Chief of Police nga ikauneg da ti agimbestigar iti pannakalmes rason a natay ti agnagan iti Nixon Domingo y Ramos, agtawen ti 31, baro , tubo iti Brgy. Union, Claveria, Cagayan ngem agin-indeg iti Brgy. 10, Parparoroc, ili ti Vintar idi kalman.
Segun ken ni Padamada, duktalen da no awan ti “foul play” ti pannakalmes ti biktima.
Masdaaw ni Padamada no apay a pinalubosan da ti biktima ken dagiti kakasinsin na a nagiinum iti nasanger iti al-aldaw kalpasan na ket nagdidigos da iti irigasyon ti nasao a barangay.
Maipalagip a bigla a nag-dive ti biktima ket idi ket saan metten a lumung-aw gayam naipit ti ulo na iti “metal” nga adda iti uneg ti danum a paset ti maipaspasdek a rangtay ti nasao nga irigasyon.
