LAOAG CITY – Nalpasen ti contact tracing nga inyuswat ti Philippine National Police (PNP), Municipal Health Office (MHO ken opisyal ti barangay iti Barangay Lioes iti ili ti Currimao.
Daytoy ti inbatad ni Police Lt. Medel Perinio, ti chief of police iti nasao nga ili.
Inbaga ni Perninio nga umabot amin ti 22 nga indibidual dagiti naestablisar da a primary contact dagiti tallo a nagpositibo ti covid-19 a dagitoy ket isuda IN-C113, IN-C114 ken IN-C115.
Inpakaammo ni Perinio a dimmalan aminen dagiti 22 nga indibidual ti swab test ken dagitoy ket agpapada a naka-home quarantine idinto a dagiti tallo a nagpositibo ti virus ket naka-isolate da.
Maipalagip a maymaysa ti nakaalaan dagiti tallo a nagpositibo ti virus ken daytoy ket ni IN-C107.
Naamoan a dagiti tallo a nagpositibo ti virus ket agkakapamilya idinto a dagiti primary contacts da ket kabagyan da met laeng.
Iti agdama, nagtalinaed a naka-lockdown iti Sitio naragsak ken sition Saranay iti Barangay Lioes iti ili ti Currimao.
