LAOAG CITY – Inbatad ni Engr. Maria Teresa Bacnat, mangidadaulo ti Provincial Agriculture Office, a bimmasit dagiti taltalon a namulaan ti pagay iti first crop ditoy probinsia.
Daytoy ket gapu ta adda dagiti sumagmamano a mannalon a nakadependar laeng iti tudo ti pagsibogda kadagiti mula da isut gapu na a nagdesisionda a saanda paylaeng nga agmula.
Nupay kasta, inlawlawagna a nagmula laengen dagiti dadduma a mannalon kadagiti saan unay nga agkasapulan ti nabuslon a danom.
Inpetteng ni Bacnat a manamnama ti nababa nga apit a pagay gapu ta bimmassit dagiti mannalon a nagmula ti first crop.
Iti baet daytoy, inpasigurado na nga adda ti umdas a suplay ti bagas ditoy probinsia.
