LAOAG CITY – Nanayunan ti 30 nga ektarya ti kalawa ti namulaan ti tabako iti ili ti Marcos ita a tawen.
Segun kenni Mayor Antonio Mariano, adda laeng ti nasurok a 100 nga ektarya ti mamulmulaan iti ti tabako iti nasao nga ili ngem gapu iti umad-ado a tulong a maipapaay kadagiti mannalon ket nanayunan ti 30 nga ektarya.
Inlawlawag na a sipud idi 2021 ket addan ti ipapaay da a libre nga abono para kadagiti mannalon, agingga a napanunot da nga ikkan ti cash assistance, libre a makinarya ken dagiti ramit a kasapulanda.
Innayon ti mayor a no ad-ado ti produksyon ti tabako iti ili ti Marcos ket dakdakkel metlaeng ti sumrek a pondo iti municipyo manipod iti RA 7171.
