LAOAG CITY –Naikkan ti resolution of commendation ni Nana Leocadia Agcoali Garganta iti Brgy. 55-B Salet Bulangon ditoy suidad kas pammigbig iti pannakadanunna iti maika-100 a panagkasangayna ken ti panagipaayna ti serbisio kommunidad.
Segun ni Vice Mayor Rey Carlos Fariñas, daytoy a pammigbig ket saan laeng a gapu iti pannakadanonna iti maika-100 a tawen, no di ket gapu pay iti naitulongna a serbisio kas kapitan ti barangayda iti napalabas a tawen.
Inbatad ti bise mayor a nasdaaw isuna gapu ta nakitana no uray pay nakadunonen iti maika-100 a tawen ni Nana Garganta ket napigsa pay laeng daytoy.
Innayonna a manmano laengen dagiti makadanun iti nadakamat a tawen ken ti napigsa rason a napateg a maipaayan dagitoy ti pammigbig nangruna ken Nana Garganta gapu ta impakitana ti dedikasion nga agsebi a pudno kadagiti ka-barangayanna babaen iti panagbalinna kas maysa a Brgy. Captain iti Brgy. 55-B ditoy siudad.
Maipalagip nga immununan a naka-iyuman ti Bombo Radyo Laoag ni Nana Liocadia Agcaoili Garganta, a nangibinglayna ti sikretona no apay nga atiddog ti biagna gapu ta kankanayon daytoy a mangmangan ti nateng ken panangliklikna a managan ti karne.
