LAOAG CITY – Pormal a naiproklamaren dagiti nangabak a party-list groups iti Philippine International Convention Center (PICC) iti Pasay para ti 19th Congress.
Indauloan ni Comelec Commissioner George Garcia ken dadduma pay a poll commissioners iti pannakaipresentar ti Certificate of Proclamation kadagiti nangabak a party-list.
Immuna ti Anti-Crime and Terrorism Community Involvement and Support wenno ACT-CIS ti nakaala ti tallo a puesto iti Kongresso kalpasan a nakaala ti 2,111,091 a botos.
Dua met a puesto ti maalan ti 1-Rider partylist, Tingog, 4PS , Ako Bicol kent Sagip partylist.
Saggagaysa met a puesto ti Ang Probinsyano, Uswag, Ilonggo, Tutok to Win, CIBAC, Senior Citizens PL, Duterte Youth, Agimat, Kabataan, Angat, Marino, Ako Bisaya, Probinsyano Ako, LPGMA, API, Gabriela, CWS, Agri, P3PWD, Ako Ilocano Ako, Kusug Tausug, An Waray, Kalinga, Agap, Coop-NATCO, Malasakit@Bayanihan, BHW, GP Party, BH, ACT Teachers, TGP, Bicol Saro, Dumper PTDA, Pinuno, Abang Lingkod, PBA, OFW, Abono, Anakalusugan, Kabayan, Magsasaka, 1-PACMAN, APEC, Pusong Pinoy, TUCP, Patrol, Manila Teachers, Aambis-OWWA, Philreca, ken Alona.
Iti Comelec ti nagserbi a National Board of Canvassers iti kalkalpas a May 9 national ken local election.
Malitupan ti 55 a nanganak a partylist groups ti 62 a tugaw wenno puesto iti Kongreso.
Immunan nga inbatad ti Comelec a ti panagbobotos idiay Shanghai, China ket saanen a makaapaketar iti resulta ken ranking dagiti nangabak a party-list groups rason a naiyuswaten ti proklamasyon idi kalman.
