LAOAG CITY – Nagsaritaan dagiti nangato ti ranggona nga opisial ti Estados Unidos ken Jordan ti panangpalag-an iti tension iti Middle East.
Nakisarita ni United States Secretary of State Antony Blinken ken ni Foreign minister Ayman Safadi ti Jordan para iti pannakaituloy ti ceasefire deal iti nagbaetan ti Hamas ken Israel.
Kinuna ni Blinken a napateg ti dagus a pannakaipatungpal ti ceasefire deal ken awan ti bumallaet a pagilian a manglabsing iti nasao a katulagan.
Iti biang ni Safadi, rumbeng a dagus nga isardeng ti Israel ti panangrautna iti Gaza.
Maipalagip nga itantandudo ti Estados Unidos, Egypt ken Qatar ti ceasefire deal iti nagbaetan ti Hamas ken Israel.
