LAOAG CITY – Saan pay a maibilang nga outbreak ti nangato a bilang ti kaso ti dengue ditoy probinsia.
Segun ken ni Governor Cecilia Araneta Marcos, makapaalarma ti nairekord a nasurok 2,000 a kaso ti dengue, no sadinno tallo manipud kadagitoy ti nairekord a pimmusay manipud iti ili Solsona, Nueva Era ken Badoc.
Kinunana nga agtultuloy ti panangipalagipda kadagiti local Government Unit tapno matulungan dagiti nagduduma a barangay para iti pannakiimplementar dagiti preventive measures kas iti panagdalus iti aglawlaw.
Innayonna pay nga adda ti mandatona iti Provincial Health Office para iti pannakaimpormar ti 4 ocklock habit iti nagduduma a lugar tapnon maprebentaran ti panagadu ti kaso ti dengue ditoy probinsia.
