LAOAG CITY – Manamnama a makataripnong ni Presidente Ferdinand Marcos Jr. ni Vatican Secretary for Relations with the States of the Holy See, Archbishop Paul Richard Gallagher.
Basar iti Department of Foreign Affairs (DFA) nga agtalinaed ti lima nga aldaw iti pagilian ti nasao nga opisial.
Agbalin a kangrunaan a sangaili ni Gallagher iti maiyus-uswat a taripnong ti Catholic Bishops’ Conference of the Philippines (CBCP) a maisaysayangkat idiay Bukidnon.
Gagem ti nasao a taripnong ti nasao nga obispo ken ni Presidente Marcos ket ti panangipasigurado ti panangitandudu ti kinakappia ken ti karebbengan dagiti tattao.
