LAOAG CITY – Nangrugin nga umado ti bilang dagiti foreign ken local tourist idiay ili ti Pagudpud, Ilocos Norte.
Daytoy ti inbatad ni Police Chief Inspector Lawrence Ganuelas, chief of police ti PNP-Pagudpud.
Segun kenni Ganuelas, adda dagiti tourist police a nakabantay ken agsursur kadagiti agtagikua ti resort tapno kumustaen dagiti turista.
Inbatad na nga uray adda ti panagtudo ken napigsa ti angin ket adda latta dagiti turista nga agturturong iti nasao nga ili.
Kunana a nakikoordenar pay isuna kadagiti barangay chairmen kangrunaan na kadagiti tourist destinantions para iti seguridad dagiti bakasyonista.
